قصيدةفي البدريه
كلمات،،علي صابر
في البدريه
واقف ببص من الشباك
رغم أصوات الضجيج حواليا
لكن ما فيش حد واخد عقلي غير هواك
ما فيش صورة في عينيا
غير جمالك البريء الملاك
ما فيش في حياتي أي أمنية
غير قلبي يبقى معاك
ما عرفتش يعني إيه رومانسية
غير لما قلبي هواك
بنسى العالم واللي فيا
لما بسمع كلمة “بستناك”
ما تعرفش قد إيه مأثر فيا
وشغلي الشاغل هو رضاك
كلماتي غاصت في بحور شاعرية
وكل حرف منها وصفك
رسمة طيبة قلب مليانة حنية
وتاج محبة وعيون عشقاك
وأنا مستنيك في البدرية
وببص عليك من الشباك
